Ооган-Талаа айылынын сайты

Ачы участогуна караштуу РЭСтин өкүлү Токтогул ГЭСинде суунун жетишпестиген электр энергия өчүрүлүп жатканын маалымдады. Мындай абал айыл тургундарынын жашоосунда тоскоолдуктарды жаратууда.

Айыл тургуну Айпери Балтабаева свет көпкө өчсө баласы ачка калаарын белгиледи.

«Менин жаш балам бар, сүтүм аз болгондуктан балама каша кылып берем. Эгерде свет көпкө чейин өчө турган болсо балам ачка калат», — деди Балтабаева.

Дүкөндүн сатуучусу Гүлназ Сатыбалдиева электр энергиянын өчүшүнөн улам азык-түлүктөр бузулуп жаткандыгын айтты.

«Свет өчкөндө муздаткычтагы бал муздактар ээрип кеткендиктен сатып алуучулар азаят», — деп сатуучу айым арызданды.

Жергиликтүү төрөт үйүнүн мээрман айымы Зарифа Эркинбаева айымдар төрөө үчүн күнү-түнү келгендиктен свет өтө зарыл болгондугун белгилеп өттү.

Базар- Коргон районунун РЭСине караштуу «Ачы» участогунун инженер- реализатору Тяншань Өмүрзаков свет өчүрүү боюнча
муниципалдуу мекемелерге гана кабар берээрин айтты.

«Быйыл Токтогул ГЭСинде суу аз болгондуктан светти маал- маалы менен өчүрүүгө туура келди. Анткени кышында светсиз калышыбыз мүмкүн», — дейт Өмүрзаков.

Авторлор: Акмарал Биймурзаева жана Альфира Нурдинова

Дене-тарбия сабагы жылуу мезгилдерде гана спорт аянтчасында өткөрүлсө, ал эми кыш мезгилинде спорт зал жоктугуна байланыштуу класс ичинде шахмат жана шашки ойноого аргасыз. Мектептин директору спорт зал куруу үчүн атайын эл аралык гранттар жазылып жатканынмаалымдады. Мектептин дене-тарбия мугалими Хасан Эгембердиев сабак өтүү аба ырайына көз каранды экендигин маалымдады.»Аба ырайы жаман болгондо, жаан жааганда, кыш мезгилинде класста шахмат, шашки ойноо менен өткөрөбүз», — дейт дене-тарбия мугалими. 9-классынын окуучусу Айсулуу Эркинбекова күн ачыкта гана спорт аянтчада сабак өтүшөөрүн айтып берди.»Биз дене-тарбия сабагын күн ачык кездерде спорт аянтчасында футбол жана волейбол ойнойбуз», — дейт окуучу кыз. Мектеп директору Давлет Омурзакова спорт зал куруу үчүн гранттар жазылып жатканын айтып өттү. «ЮНЕСКО доолбору менен биргеликте германский грантка проект жазганбыз, эгер ошол өтүп калса спорт зал түшөт», — деп директор кошумчалады. Авторлор: Диана Турсунбаева жана Хасан Эгембердиев

Сугат суунун жетишсиздигинен огороддор кургап кетип, айыл тургундары жер-жемиштерди кымбат баада сатып алууга аргасыз. Ал эми айыл өкмөтүнүн орун басары казылган арыктар жаандан улам кайрадан толуп калганын маалымдады. Айылдын жашоочусу Толгонай Көчкөнбаева сугат суунун жоктугунан эгилген жер жемиштерди кургап калгандыгын маалымдады. «Базардан сатып жеп жатабыз,кымбат-кымбат баада», — дейт Көчкөнбаева.Жогорку сөздөргө кошулган Саадат Жолдошова да огороду кургап кагандыгын айтты. Китепканачы Айзада Сыдыкова былтыр сугат сууну сатып алгандыгын айтып берди. «Быйыл сатып алганга да суу жок», — деп кошумчалады.»Ачы» токой чарба департаментинин директору Азимжан Досматов сугат суусу каражат жетишпестигинен келбей жаткандыгын кабарлады. Кара-Үнкүр, Арсланбап дарыяларынан Ооган-Талаа айылына каналдарды казып чыгуу долбоорлору жазып жаткандыгын белгилеп өттү.Могол айыл өкмөтүнүн орун басары Замир Тагаев айыл ичинде элдер өз ара уюшулмайынча [арык казуу үчүн] сугат суу келбей тургандыгын билдирди. «Жамгыр көп жаап чапкандарды (арыктарды) толтуруп кетип жатат», — дейт Тагаев.Авторлор: .Марат Токторбаев, Марина Ташматова, Айсулуу Эркинбекова.